ಗಾಂಧಿ - ಅಂಬೇಡ್ಕರ್ ಶತ್ರುಗಳಲ್ಲ, ಕೋಮುವಾದಿಗಳು ಮಿತ್ರರಲ್ಲ


    ಜನಸಾಮಾನ್ಯರ ನಿತ್ಯದ ಬದುಕನ್ನು ಸುಡುತ್ತಿರುವ ಜ್ವಲಂತ ಸಮಸ್ಯೆಗಳನ್ನು ಮರೆಮಾಚಲು *ಕಾರ್ಪೊರೇಟ್ - ಕೋಮುವಾದಿ ಮೈತ್ರಿಕೂಟ* ನಮ್ಮನ್ನು ದಾರಿ ತಪ್ಪಿಸುತ್ತಲೇ ಇರುತ್ತದೆ. *ಪ್ರಸಕ್ತ ವಿದ್ಯಮಾನಗಳು* ಚರ್ಚೆಗೆ ಬಾರದಂತೆ ಪುರಾಣದ, ಇತಿಹಾಸದ ಯಾವುದೋ ವಿಷಯಗಳ ಸುತ್ತ ನಾವು ಗಿರಕಿ ಹೊಡೆಯುವಂತೆ ಮಾಡಲಾಗುತ್ತದೆ. ಅಯೋಧ್ಯೆಯ ರಾಮ ಮಂದಿರ, ಮಥುರಾದ ಕೃಷ್ಣ ದೇವಾಲಯ, ಕಾಶಿಯ ಶಿವ ದೇವಾಲಯಗಳ ವಿವಾದಗಳನ್ನು ಕೆರಳಿಸಿ ಅದರ ಸುತ್ತ ನಾವು ಗಾಣದ ಎತ್ತಿನಂತೆ ಸುತ್ತುವಂತೆ ಮಾಡಲಾಗುತ್ತದೆ. *ಬಿಜೆಪಿ* ಸತತವಾಗಿ ಗೆಲ್ಲುತ್ತಿರುವುದು ಇಂಥಾ *ದಗಾಕೋರ* ಆಟಗಳಿಂದ.


     *ಡಾ.ಅಂಬೇಡ್ಕರ್* ಮತ್ತು *ಗಾಂಧೀಜಿ* ಇವರಿಬ್ಬರೂ ಈಗಿಲ್ಲ. ಅವರು ಮಾಡಿಕೊಂಡ *ಪೂನ ಒಪ್ಪಂದಕ್ಕೂ ಏಳು ದಶಕಗಳು ಕಳೆದು ಹೋದವು.* ಅವರ ಆಗಿನ ಭಿನ್ನಾಭಿಪ್ರಾಯ ಮತ್ತು ವೈಮನಸ್ಸು ಆಗಿನ ಕಾಲಕ್ಕೆ ಮುಗಿಯಿತು. ಅಂದಿಗೂ ಇಂದಿಗೂ ಭಾರತದ ಮತ್ತು ಜಗತ್ತಿನ ಸ್ಥಿತಿಗತಿಗಳಲ್ಲಿ ಸಾಕಷ್ಟು ಬದಲಾವಣೆಗಳಾಗಿವೆ. ಹೊಸ ಸವಾಲುಗಳು ನಮ್ಮ ಕಣ್ಣೆದುರು ಬಂದು ನಿಂತಿವೆ. *ಮಹಾತ್ಮಾ ಗಾಂಧೀಜಿಯ ಸರ್ವೋದಯ ಸಿದ್ದಾಂತ* ಜಾಗತೀಕರಣದ ಲಾಭಕೋರತನದ ಸುಡು ಬೆಂಕಿಯಲ್ಲಿ ಬೆಂದು ಹೋಗುತ್ತಿದೆ. *ಬಾಬಾಸಾಹೇಬರ ಮೀಸಲು ವ್ಯವಸ್ಥೆಯನ್ನೇ ಅಪ್ರಸ್ತುತಗೊಳಿಸುವ, ಸಂವಿಧಾನವನ್ನೇ ಬುಡಮೇಲು ಮಾಡಿ ಪಂಚಾಗವನ್ನು ದೇಶದ ಮೇಲೆ ಹೇರುವ ಮಸಲತ್ತು* ಅವ್ಯಾಹತವಾಗಿ ನಡೆದಿದೆ. ಇದೆಲ್ಲದರ ನಡುವೆ ಸಾಮಾಜಿಕ ಜಾಲತಾಣದಲ್ಲಿ *ಗಾಂಧೀಜಿ ಮತ್ತು ಅಂಬೇಡ್ಕರ್* ರ ನಡುವೆ *ಬೀದಿ ಕಾಳಗ* ನಡೆದಿದೆಯೇನೋ ಎಂಬ ರೀತಿ ವಾಗ್ವಾದಗಳು ನಡೆಯುತ್ತಿವೆ. 



     *ಸ್ವಾತಂತ್ರ್ಯ ಹೋರಾಟ* ದ ಆ ದಿನಗಳಲ್ಲಿ *ಗಾಂಧಿ ಮತ್ತು ಅಂಬೇಡ್ಕರ್* ನಡುವಿನ ಭಿನ್ನಾಭಿಪ್ರಾಯ *ತಾತ್ವಿಕ* ವಾಗಿತ್ತು. *ದೇಶಕ್ಕೆ ಸ್ವಾತಂತ್ರ್ಯ* ಎಂಬುದಕ್ಕೆ *ಗಾಂಧೀಜಿ ಮೊದಲ ಆದ್ಯತೆ* ಆಗಿದ್ದರೆ, ಈ ಸ್ವಾತಂತ್ರ್ಯ ಬಂದರೂ ನನ್ನ ಸಮುದಾಯಗಳಿಗೆ *ನೈಜ ಸ್ವಾತಂತ್ರ್ಯ ಸಿಗುವುದಿಲ್ಲ* ಎಂಬುದು *ಅಂಬೇಡ್ಕರ್* ಅವರ ನಿಲುವಾಗಿತ್ತು. *ಸ್ವಾತಂತ್ರ್ಯದ ಗುರಿ ಸಾಧನೆಗಾಗಿ ಎಲ್ಲ ಸಮುದಾಯಗಳನ್ನು ಒಟ್ಟಿಗೆ ತೆಗೆದುಕೊಂಡು ಹೋಗುವುದಕ್ಕೆ ಗಾಂಧೀಜಿ ಅವರ ಮೊದಲ ಪ್ರಾಶಸ್ತ್ಯವಾಗಿತ್ತು.* 


     ಭಾರತಕ್ಕೆ ಸ್ವಾತಂತ್ರ್ಯ ಸಿಕ್ಕರೆ ಅದೊಂದರಿಂದ ಮಾತ್ರ ದುಡಿಯುವ ದಲಿತ ಸಮುದಾಯಗಳಿಗೆ ಬಿಡುಗಡೆ ಸಿಗುವುದಿಲ್ಲ. ಸ್ವತಂತ್ರ್ಯ ಭಾರತದಲ್ಲೂ ಅವರು *ಶ್ರೇಣೀಕೃತ ಜಾತಿ ವ್ಯವಸ್ಥೆಯ ಗುಲಾಮಗಿರಿ* ಯಲ್ಲೇ ನರಳಬೇಕಾಗುತ್ತದೆ. ಅದಕ್ಕಾಗಿ *"ಸ್ವತಂತ್ರ್ಯ ಭಾರತದಲ್ಲಿ ನನ್ನ ಜನರಿಗೇನು"* ಎಂಬ ಪ್ರಶ್ನೆಯನ್ನು ಬಾಬಾ ಸಾಹೇಬರು ಎತ್ತಿದರು. ಇದು ಸೂಕ್ತವೂ ಆಗಿತ್ತು. ಬ್ರಿಟಿಷರು ಮತ್ತು ಮೊಗಲರು ಬರುವ ಮೊದಲಿನಿಂದಲೂ ಯಾತನೆ ಪಡುತ್ತಿದ್ದ ಕರ್ಮ ಸಿದ್ಧಾಂತದಲ್ಲಿ ಅಗೋಚರ ಬೇಡಿಗಳಿಂದ ಬಂಧಿತರಾಗಿದ್ದ ನನ್ನ ಜನರಿಗೆ ಸ್ವಾತಂತ್ರ್ಯ ಯಾವಾಗ ಎಂದು ಪ್ರಶ್ನಿಸಿದ ಅವರು ಪಟ್ಟು ಹಿಡಿದರು. ಪೂನಾ ಒಪ್ಪಂದದ ಸಂದರ್ಭದಲ್ಲಿ ಉಪವಾಸ ಕುಳಿತಿದ್ದ ಗಾಂಧೀಜಿಯವರನ್ನು ಬದುಕಿಸಲು ಒಂದಿಷ್ಟು ರಾಜಿ ಮಾಡಿಕೊಂಡು ಅಂಬೇಡ್ಕರ್ ತಮ್ಮ ಗುರಿ ಸಾಧಿಸಿದರು. ಇವರಿಬ್ಬರ ನಡುವೆ *ವೈಯಕ್ತಿಕ ಹಗೆತನ* ಇರಲಿಲ್ಲ. *ಶತಮಾನಗಳ ನೋವಿನಿಂದ ಅಂಬೇಡ್ಕರ್ ಗಾಂಧೀಜಿಯನ್ನು ಬೈದರೂ ಅದರಲ್ಲಿ ನಂಜಿರಲಿಲ್ಲ. ಇದು ಗಾಂಧೀಜಿಗೂ ಗೊತ್ತಿತ್ತು. ಅಂತಲೇ ಸಂವಿಧಾನ ರಚನಾ ಸಮಿತಿಯ ಅಧ್ಯಕ್ಷತೆ ಪ್ರಶ್ನೆ ಎದುರಾದಾಗ ಗಾಂಧೀಜಿ ಬಾಬಾ ಸಾಹೇಬರ ಹೆಸರನ್ನು ಸೂಚಿಸಿದರು.*

Comments

Post a Comment

Popular posts from this blog

ಬದುಕಿದಾಗ ಒಂದು ಗುಲಾಬಿ ಕೊಡಬಾರದೆ?

Image
  ಇದು *ಅಮೆರಿಕದಲ್ಲಿ* ನಡೆದ ನಿಜ ಜೀವನದ ಘಟನೆಯಂತೆ.  ಆ *ಗಂಡ ಹೆಂಡತಿ* ಇಬ್ಬರೂ ಪ್ರೀತಿಸಿ ಮದುವೆಯಾದರು. 20 ವರ್ಷಗಳ ಕಾಲ ಹೇಗೋ ಏನೋ *ಗಂಡ- ಹೆಂಡಿರಂತೆ* ಜೀವನ ಇದೆ. ಆತನಿಗೆ ಬಿಡುವಿಲ್ಲದಷ್ಟು *ಕೆಲಸ*. ಮನೆಯ ಕಡೆ, ಮಡದಿಯ ಕಡೆ, ಸ್ವಲ್ಪ ಗಮನ ಕಡಿಮೆ.  ಇದ್ದಕ್ಕಿದ್ದಂತೆ ಒಂದು ದಿನ *ಹೆಂಡತಿ* ಕೇಳಿದಳು. “*ನಾನು ಇಂದು ಸತ್ತರೆ ನನ್ನ ಅಂತ್ಯಕ್ರಿಯೆ ಹೇಗೆ ಮಾಡುತ್ತೀಯ*?” ದಿಡೀರ್ ಪ್ರಶ್ನೆಯಿಂದ ಸ್ವಲ್ಪ ವಿಚಲಿತನಾದ *ಗಂಡ* ಸಾವರಿಸಿಕೊಂಡು ಉತ್ತರಿಸಿದ. “ *ತುಂಬಾ ಪುಷ್ಪಗುಚ್ಛಗಳು, ಬೆಲೆಬಾಳುವ ಶವ ಪೆಟ್ಟಿಗೆ, ನಿನ್ನ ಗುಣಗಾನ ಮಾಡಿ ಆತ್ಮಕ್ಕೆ ಶಾಂತಿಯನ್ನು ಕೋರುವ ಪ್ರಾರ್ಥನಾ ಸಭೆಗಳು*, ಮುಂತಾದವು ಎಲ್ಲ ಇರುತ್ತವೆ.  ಏಕೆ ಈ ಪ್ರಶ್ನೆ ? *ಹೆಂಡತಿ* ಪ್ರಶ್ನಿಸಿದಳು, “*ತುಂಬಾ ಖರ್ಚಾಗುವುದಿಲ್ಲವೇ*”  *ಗಂಡ* ಹೇಳಿದ *ಹತ್ತಾರು ಸಾವಿರ ಡಾಲರ್ ಖರ್ಚಾಗಬಹುದು, ಆದರೆ ಅದು ನನ್ನ ಕರ್ತವ್ಯವಲ್ಲವೇ*?   *ಹೆಂಡತಿ* ಹೇಳುತ್ತಾಳೆ “*ನಾನು ಸತ್ತ ಮೇಲೆ ನೀವು ಕೊಡುವ ಸಾವಿರಾರು ಡಾಲರ್ ಬೆಲೆ ಬಾಳುವ ಪುಷ್ಪಗುಚ್ಛಗಳು ನಾನು ನೋಡುವುದಿಲ್ಲ ,ಗುಣಗಾನದ ಮಾತುಗಳನ್ನು ಕೇಳಲು ಸಾಧ್ಯವಿಲ್ಲ, ಇವೆಲ್ಲವೂ ನನಗೇನು ಪ್ರಯೋಜನವಾಗುವುದಿಲ್ಲ. ಏಕೆಂದರೆ ನಾನು ಕಳೆಬರವಾಗಿರುತ್ತೇನೆ. ಅದರ ಬದಲು ನಾನು ಬದುಕಿರುವಾಗಲೇ ಒಂದು ಗುಲಾಬಿ ಹೂ ಕೊಡಬಾರದೆ, ಒಂದು ಪ್ರೀತಿಯ ಮಾತು ಆಡಬಾರದೇ*,  ಈ ಮುಗ್ಧ ಮಾತು ಗಂಡನ ...
Read more

ಚೌಧರಿ ಚರಣ ಸಿಂಗ್" ಬಗ್ಗೆ ಬಲ್ಲಿರಾ ?

Image
      ಉರಿ ಬಿಸಿಲನ್ನು ಲೆಕ್ಕಿಸದೆ ಉಳುಮೆ ಮಾಡಿ ನಮ್ಮೆಲ್ಲರ ಉಳುವಿಗಾಗಿ ಶ್ರಮಿಸುತ್ತಿರುವ ಅನ್ನದಾತರಿಗೆಲ್ಲ ಕೃತಜ್ಞತೆ ಸಲ್ಲಿಸುವ ದಿನವೇ *"ರಾಷ್ಟ್ರೀಯ ರೈತರ ದಿನಾಚರಣೆ."* ಈ ದಿನವನ್ನು *ಭಾರತದ ಐದನೇ ಪ್ರಧಾನಿ ಚೌಧರಿ ಚರಣ ಸಿಂಗ್* ಸ್ಮರಣಾರ್ಥ ವರ್ಷಂಪ್ರತಿ ಡಿಸೆಂಬರ್ 23 ರಂದು ಆಚರಿಸಲಾಗುತ್ತದೆ. ರೈತ ಕುಟುಂಬದ ಚರಣ ಸಿಂಗ್ ರವರು ಉತ್ತರ ಪ್ರದೇಶದ ಘಾಜಿಯಾಬಾದ ಜಿಲ್ಲೆಯ ನೂರ್ ಪುರ್ ಎಂಬ ಕುಗ್ರಾಮದಲ್ಲಿ ಡಿಸೆಂಬರ್ 23, 1902 ರಂದು ಜನಿಸಿದರು. ಅರ್ಥಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಹಾಗೂ ಕಾನೂನು ಪದವಿಯನ್ನು ಪಡೆದಿರುವ ಇವರು ತಮ್ಮ ಮೂಲ ಕಾಯಕ ಕೃಷಿಯಲ್ಲಿ ತಲ್ಲೀನರಾಗಿದ್ದಾರೆ. ಸ್ವಾತಂತ್ರ್ಯ ಪೂರ್ವ 1937 ರಲ್ಲಿ ಚಪ್ರೌಲಿ ಕ್ಷೇತ್ರದಿಂದ 34 ನೇ ವಯಸ್ಸಿನಲ್ಲಿ ರೈತರು ಕಷ್ಟಪಟ್ಟು ರಾಜಕೀಯ ಚರಣಸಿಂಗರು - ನಷ್ಟಗಳನ್ನು ಅನುಭವಿಸಿದ ಪರಿಣಾಮ ಅಧಿಕಾರದಲ್ಲಿ ರೈತರ ಕಲ್ಯಾಣಕ್ಕಾಗಿ ಸಾಕಷ್ಟು ರೈತಪರ ಕಾರ್ಯಕ್ರಮಗಳನ್ನು ಜಾರಿಗೊಳಿಸಲಾಗಿದೆ. ಇವರು ಜುಲೈ 28, 1979 ರಿಂದ 14 ಜನವರಿ 1980 ರ ವರೆಗೆ ಪ್ರಧಾನಮಂತ್ರಿಯಾಗಿ ಸೇವೆ ಸಲ್ಲಿಸಿದ್ದರು. ಈ ಅವಧಿಯಲ್ಲಿ ಕೃಷಿ ಕ್ಷೇತ್ರದ ಅಭಿವೃದ್ಧಿಗಾಗಿ ಸಾಕಷ್ಟು ಸುಧಾರಣೆಗಳು ಮತ್ತು ನಿಯಮಾವಳಿಗಳನ್ನು ಜಾರಿಗೊಳಿಸಲಾಗಿದೆ. ಚೌಧರಿಯವರು ಜಾರಿಗೊಳಿಸಿದ *"ಜಮೀನ್ದಾರಿ ನಿರ್ಮೂಲನ ಕಾಯ್ದೆ"*ಯಿಂದ ರೈತರ ಬದುಕೇ ಹೊಸ ದಿಕ್ಕಿನತ್ತ ಸಾಗಿತು. ಇಂತಹ ಅದೆಷ್ಟೋ ಯೋಜನೆಗಳನ್ನು ಜ...
Read more

ಯುವ ನಿಧಿಗೆ ಅರ್ಜಿ ಹಾಕಲು ಕಡ್ಡಾಯವಾಗಿ ಇರಬೇಕಾದ ದಾಖಲೆಗಳು

Image
  ಅರ್ಹತೆಯ ಮಾನದಂಡಗಳು : 1) ಕಡ್ಡಾಯವಾಗಿ ಡಿಪ್ಲೋಮ/ಪದವಿ ತೇರ್ಗಡೆಯಾದ ವಿದ್ಯಾರ್ಥಿ ಕರ್ನಾಟಕದಲ್ಲಿ ಕನಿಷ್ಠ ಅಂದ್ರು ಆರು ವರ್ಷ ಓದಿರಬೇಕು 2) ಕಡ್ಡಾಯವಾಗಿ ಡಿಪ್ಲೋಮಾ ಅಥವಾ ಪದವಿಯನ್ನು 2023ನೇ ವರ್ಷದಲ್ಲಿ ಮಾತ್ರ ಪೂರೈಸಿರಬೇಕು. 3) ಪದವಿ ಪೂರೈಸಿ 180 ದಿನಗಳು ಮಾತ್ರ ಸದರಿಯವರು ಈ ಯೋಜನೆಯಲ್ಲಿ ಫಲಾನುಭವಿಗಳ ಸೇವೆಯನ್ನು ಪಡೆಯಲು ಅರ್ಹರಾಗಿರುತ್ತಾರೆ.  4) ಇತ್ತೀಚಿಗೆ ತೆರಗಡೆಯಾದ ವಿದ್ಯಾರ್ಥಿಗಳು ಕೂಡ ಅರ್ಜಿ ಸಲ್ಲಿಸಬಹುದು ಆದರೆ ಅವರಿಗೆ ಸರಕಾರದಿಂದ ಸಿಗುವ ಆಶೀರ್ವಾದ ದುಡ್ಡು ಆರು ತಿಂಗಳು ಕಳೆದ ನಂತರ ಮಾತ್ರ ಸಿಗುತ್ತದೆ.  5) ಆರು ವರ್ಷಗಳ ಕಾಲ ಓದಿದ್ದೇನೆ ಎಂದು ಹೇಳಲು ಸದರಿ ಕರ್ನಾಟಕ ವಿದ್ಯಾರ್ಥಿಗಳು ಸರ್ಟಿಫಿಕೇಟ್, ಸಿಟಿ ನಂಬರ್, ರೇಷನ್ ಕಾರ್ಡ್ ಮುಂತಾದವುಗಳಿಗೆ ಅರ್ಜಿ ಸಲ್ಲಿಸಬಹುದು.  6) ಸದರಿ ಯೋಜನೆ ಅಡಿ ಫಲಾನುಭವಿಗಳ ಸೇವೆಗಳನ್ನು ಪಡೆದುಕೊಳ್ಳಲು ಯಾವುದೇ ಸರ್ಕಾರಿ ಅಥವಾ ಖಾಸಗಿ ಸಂಸ್ಥೆಯಲ್ಲಿ ಕೆಲಸ ಮಾಡುವ ಸ್ವಯಂ ಉದ್ಯೋಗಿ ಇದ್ದವರು ಅನರ್ಹರಾಗಿರುತ್ತಾರೆ.  7) ಡಿಗ್ರಿಯನ್ನು ಮುಗಿಸಿ PG ಹೆಚ್ಚಿನ ವ್ಯಾಸಂಗಕ್ಕೆ ಹೋಗುವ ಈ ಯೋಜನೆಯ ಸೇವೆ ಸಿಗುವುದಿಲ್ಲ. 8) ಇಎಸ್ಐ ಪಿಎಫ್ ಸರ್ಕಾರದಿಂದ ಪಿಂಚಣಿ ಪಡೆಯುವ ವಿದ್ಯಾರ್ಥಿಗಳು ಈ ಯೋಜನೆಗೆ ಅರ್ಹರಲ್ಲ 9) ಅರ್ಜಿ ಸಲ್ಲಿಸುವ ಮುನ್ನ ವಿದ್ಯಾರ್ಥಿಗಳು ತಮ್ಮ ಆಧಾರ್ ಸಂಖ್ಯೆಗೆ ಮೊಬೈಲ್ ನಂಬರ್ ಲಿಂಕ್ ಮತ್ತು ಬ್ಯಾಂಕ್ ಖಾತೆ ಆಧಾರ್ ಸಿಡಿಂಗ್ ...
Read more